哇，边度嘅椰子鸡味咁香？搞到门口日日都排长龙？咪就係广州第一间海南椰子鸡主题餐厅——凤园椰珍咯。
凤园椰珍係一间以海南特色为主题嘅原生态餐厅，讲明係原生态，就梗係充满海南热带园林风情啦。
行入凤园椰珍，就好似置身于热带丛林一样，周身被椰子树同其它热带植物环绕，环境咁靓，真係好想戴上草帽换上草裙跳番part桑巴啊。
呢度嘅用餐环境都好靓，餐桌都好宽落，唔会太逼。成间餐厅，简直就係海南岛嘅缩影。
呢度最出名嘅莫过于係椰子鸡火锅，听人讲，附近好多上班一族，都係为咗呢度嘅椰子鸡而嚟嘅。店内有10余种椰子鸡火锅供客人选择，统一用原汁原味嘅椰子汁做汤底，执着于“裸烹”，还原食材最原始嘅风味。
因为我哋女仔居多，所以就点咗竹笙椰子鸡火锅，听闻有活血健脾、益胃助消化好有用噶。首先上台嘅就係原只文昌鸡啦，凤园椰珍所用嘅鸡，全部都係海南文昌鸡嚟噶。保证到还原最原始嘅海南特色。
钟意食D爽口嘢嘅，仲可以点埋呢个海南袖珍马蹄，佢係海南特有嘅特产，人手剥唔到噶，要用专门嘅机器嚟剥皮，睇下佢几矜贵~
将鸡肉同马蹄放入汤底里面，大火两分钟煮起，1分钟细火，就可以收起食得噶啦。哇，睇下D鸡肉几靓啊，咬入口肉质结实有弹性，仲有好香嘅椰子香味添。
食到差唔多，就可以加D配菜入去啦，凤园椰珍嘅配菜同样好丰富，我哋就点咗几样别具特色嘅配菜，其它地方食唔到噶。
紫玉淮山
素有“紫色人参”美誉，肉质呈紫红色，对明目、预防心脏病有一定帮助。口感粉嫩，吸收咗椰子嘅甜味，别具一番风味。
海南芦荟
富含丰富嘅胶质，对美容同保健具有十分显著嘅效果。入口滑嫩无比，咬起身仲QQ弹弹噉，好过瘾。
除咗椰子鸡煲，凤园椰珍嘅其它风味美食都值得一试。
腊味煲仔饭
腊味煲仔饭大把地方有得食，但係凤园椰珍嘅腊味煲仔饭，可以话係别具特色嘅，而且係即点即煲嘅，比得上专做煲仔饭嘅专家。
点解噉讲，皆因佢饭粒饱满，粒粒甘香，仲特别加入咗香芋粒，令饭粒更加飘香，更加粉糯。
食嘅时候倒入豉油，即刻听到“滋滋”声，饭粒同豉油结合，上色好靓。
椰皇炖奶
凤园椰珍镇店之宝，用原只椰子加精选鸡蛋，注入特别秘方精炖而成，每日限量供应，好多人都係专程为咗呢盅炖蛋而嚟噶。
炖蛋滑嫩到飞起，幼滑又细嫩，而且仲有淡淡嘅椰香味，完全冇炖蛋嘅蛋腥味，真係好好味！唔怪得每日咁快就沽清啦。
椰汁西米糕
同样係凤园椰珍嘅人气产品。椰汁同西米完美结合，口感好滑嫩，充满弹性！
上面一层係香甜嘅椰子糕，下面一层係粒粒饱满嘅西米，一啖咬落去，西米挤晒出嚟，沟入椰香味，口感好丰富。
野米桃香露
筛选五谷杂粮，加入咗生长喺高寒地区嘅加拿大野米，营养丰富。食嘅时候记得捞匀佢先喔，口感会更加丰富噶。
芥末花蛤
平时食花蛤，都要慢慢啜粒肉出嚟，一斤花蛤其实都食唔到几多肉。呢个时候，我就会谂，如果有样菜式，净係得花蛤肉几好啊。凤园椰珍嘅芥末花蛤绝对满足到你要求，纯花蛤肉捞上芥末豉油，口感清甜又有芥末嘅刺激，好爽！
新品——养生栗子鸡
凤园椰珍最新推出嘅养生栗子鸡，用栗子中嘅战斗机——栗皇做原材料。
约五斤嘅栗子老火煮2～3小时等栗子变细块甚至变成颗粒状，好似雪糕一样融入汤底里面，汤底口感香糯，无得顶！
凤园椰珍
天河店地址：天河区天河南二路34号1-3层（近宏发大厦）
电话：020-85509397
营业时间：午市11:00——14:30；晚市17:00——22:00
环市东店地址：越秀区环市东路475号东都大世界2楼（近动物园南门）
电话：020-37601260
营业时间：11:00——14:30、17:00——22:00
Copyright © 2023 All Rights Reserved 版权所有 泰国小吃美食联盟